Kalaa Kanchula Kanbe
Sidaamu Qoqqowi Mootimmate Latishshu Uurrinshubba Qorqorshi Biilloony Sooreessa
Sokka
Sidaamu Dagoomu Qoqqowi Mootimma Mootimmate Latishshu Uurrinshuwa Qorqorshi Biilloonyi lallawu kiiro 28/2015 kaiminni uurrinsoonni mootimmate uurrinshaati. Biilloonyu lallawunni uyinoonni yawo fulate haammata loossa loosanni afamannoha ikkanna lallawunni uyinoonnisi loosu qeechi giddo latishshu uurrinmshuwa gumaamma, tirfaamma, heewisamaanonna hasamaano ikkitanno gede assate xaphooma latishshu uurrinshuwaha loosu millimmona ha’rinsho qineessate loosu amanyootenna jirte diriirse aliidimmatenni irkisate, ha’runsatenna qorqorateeti.
Mootimmate latishshu uurrinshuwa gumaamma assate ragaanni qoqqowunniha wo’millaancho latishshanna lopho rahisate hattono gobboomu lopho irkisate qeecha fulate, qansoota latishshunni, rosunni, dagoomitte owaantenni, loosu kaayyo kalaqonni, dikkote foonqe diwatenna wonshate hattono gobbate gobbayiidi eo abbate looso biilloonyu illacha tuge loosanni afammanno. Latishshu uurrinshuwanketa gumaamimma woyyeessatenna lossate deerru deerrunkunni loossa badatenni uurrinshuwate ledo sumumme kalaqe gawalo tugatenni taashshaanchimmanna xa’mamooshshe, loosu xambe, beeqqaanchimma, lifinxenna gumaamimma buuxisiisatenna dagate soqqaamaanchimma amanyoote diriirsatenni illachinshe loonsanni afammanni.
Aanteteno latishshu uurrinshuwa tirfaammanna heewisamaano assate haaro loosu amuraate diriirsatenninna addi addi biddissubba qixxeessatenni heewisamaanchimmansa lexxitanno gedenna uurrinsoonninsa yawo jeefo gansiisa dandiitanno dhuka kalaqate illacha tunge loonsanniha ikkanno.
Kalaa Kanchula Kanbe Daassa
Qara Dayrekitere
